ຢ່າຄິດວ່າເອົາເລື່ອງທີ່ຮູ້ໆ ກັນຢູ່ແລ້ວມາບອກເດີ ບາງຄົນອາດຈະບໍ່ຮູ້ກໍໄດ້ຄວນເຮັດຄວາມສະອາດຢ່າງໃດຈຶ່ງຈະຖືກຕ້ອງ ແລະ ປອດໄພແທ້ໆ
1. ເມື່ອອາບນ້ຳ
ເຮົາຄວນຈະລ້າງເຮັດຄວາມສະອາດສ່ວນນັ້ນດ້ວຍການໃຊ້ສະບູ່ທີ່ໃຊ້ຖູຕົວ ຫລືສະບູ່ອ່ອນໆ ໂດຍເລີ່ມຈາກຂົນບໍລິເວນອະໄວຍະວະເພດ ແລ້ວລົງມາໃຕ້ຫົວໜ່າວລ້າງທຸກຊອກມຸມບ່ອນທີ່ແຄບໃຫຍ່ແຍກອອກຈາກກັນແຕ່ບໍ່ຕ້ອງລ້ວງເຂົ້າໄປໃນຊ່ອງຄອດເດັດຂາດ ເພາະຈະອັນຕະລາຍໄດ້ແລະຫ້າມທາແປ້ງທີ່ກົ້ນເດັດຂາດເພາະເມື່ອແປ້ງ ຖືກຄວາມຊື້ນຈະເຮັດໃຫ້ເປັນເຊື້ອລາໄດ້ງ່າຍແລະນ້ຳຫອມທີ່ຢູ່ໃນ ແປ້ງອາດເຮັດໃຫ້ຜິວອະໄວຍະວະເພດທີ່ອ່ອນໆ ເກີດອາການແພ້ໄດ້.
2. ການເຮັດຄວາມສະອາດ ຫລັງຖ່າຍເບົາແລະຫລັງຖ່າຍໜັກ
ຫລັງຍ່ຽວນັ້ນສາມາດໃຊ້ເຈ້ຍອະນາໄມຍີ່ຫໍ້ດີຊັບໃຫ້ແຫ້ງກໍພຽງພໍ ເຖິງແມ່ນຈະມີປະຈຳເດືອນຢູ່ກໍຕາມຫລືຖ້າມີຝັກບົວສີດນ້ຳຄ່ອຍໆ ແລ້ວຊັບໃຫ້ແຫ້ງກໍໄດ້. ຖ້າຖ່າຍໜັກຄວນແຍກເຮັດຄວາມສະອາດ ຢ່າເຊັດຈາກທະວານໜັກມາຫາອະໄວຍະວະເພດເດີ ເພາະຈະເຮັດໃຫ້ເຊື້ອພະຍາດຈາກອຸດຈາລະເຂົ້າໄປໃນຊ່ອງຄອດເຮັດໃຫ້ເກີດການຕິດເຊື້ອໃນຊ່ອງຄອດໄດ້ ຫາກມີຝັກບົວໃຫ້ສີດນ້ຳຄ່ອຍໆ ລ້າງໃຫ້ສະອາດແລ້ວຊັບໃຫ້ແຫ້ງເຊັ່ນກັນ.
3. ເວລາເຮົາລົງປະຈຳເດືອນ
ຄວນຫາໂອກາດລ້າງກົ້ນໃຫ້ສະອາດທຸກເທື່ອທີ່ປ່ຽນຜ້າອະນາໄມຫລືຖ່າຍໜັກ
4. ຫລັງການມີເພດສຳພັນ
ໃຫ້ເຂົ້າຫ້ອງນ້ຳຍ່ຽວອອກມາເພື່ອປ້ອງກັນການຕິດເຊື້ອຜ່ານເຂົ້າ ຊ່ອງຖ່າຍຍ່ຽວແລະເປັນການໃຫ້ນ້ຳອະສຸຈິຫລືສານຄັດຫລັ່ງໃນ ຊ່ອງຄອດໄດ້ໄຫລອອກມາຈາກນັ້ນລ້າງພາຍນອກໃຫ້ສະອາດແລ້ວຊັບໃຫ້ແຫ້ງ ບໍ່ຕ້ອງໃຊ້ນ້ຳຢາສວນລ້າງເຂົ້າໄປໃນຊ່ອງຄອດ.
ຂໍ້ຄວນລະວັງ
1. ການໃຊ້ເຄື່ອງມືສວນລ້າງເຂົ້າໄປໃນຊ່ອງຄອດອາດເຮັດໃຫ້ເກີດການຕິດເຊື້ອພະຍາດໄດ້ ແລະ ຍັງໄປຂ້າແບັກທີເລຍທີ່ມີຢູ່ຕາມປົກກະຕິໃນຊ່ອງຄອດຊຶ່ງມັນຈະຄອຍຕໍ່ຕ້ານເຊື້ອພະຍາດຈາກພາຍນອກໃຫ້ເຮົາ ຈຶ່ງເຮັດໃຫ້ຕິດເຊື້ອອື່ນໆ ໄດ້ງ່າຍ ແລະ ຖ້າຫາກແພດບໍ່ໄດ້ສັ່ງ ບໍ່ຄວນໃຊ້ຢາໃດໆ ຫຍັດເຂົ້າໄປໃນຊ່ອງຄອດເອງເພາະອາດດື້ຢາໄດ້.
2. ການເຂົ້າຫ້ອງນ້ຳສາທາລະນະ ຖ້າຫາກມີຝັກບົວສີດນ້ຳຄວນລະວັງການຕິດເຊື້ອພະຍາດຈາກຝັກບົວທີ່ບໍ່ສະອາດ ເພາະຄົົນທີ່ເຂົ້າຫ້ອງນ້ຳກ່ອນໜ້າເຮົາຈະມີເຊື້ອພະຍາດຫຍັງແຝງຢູ່ຫລືບໍ່ ຄວນສີດນ້ຳຖິ້ມໄປກ່ອນເລັກນ້ອຍແລະ ຄວນສີດໃຫ້ຝັກບົວຢູ່ຫ່າງຈາກອະໄວຍະວະຂອງເຮົາພໍປະມານຢ່າໃຫ້ຢູ່ຕິດເກີນໄປ ຫລືໃຊ້ແຕ່ເຈ້ຍອະນາໄມຍີ່ຫໍ້ດີ ຊຳລະສະອາດໆ ຊັບແຫ້ງກໍພໍ
No comments:
Post a Comment